# АЛКАЛОИД АД Скопје – добитник на наградите за Најтранспарентно котирано акционерско друштво и за Акција на годината за 2022 година

> На церемонијата за доделување на Годишните награди на Македонската берза за 2022 година за котираните компании, за членките на Берзата и за другите…

Source: https://alkaloid.com.mk/mk/alkaloid-ad-skopje-dobitnik-na-nagradite-za-najtransparentno-kotirano-akcionersko-drushtvo-i-za-akcija-na-godinata-za-2022-godina

23 дек 2022

  

На церемонијата за доделување на Годишните награди на Македонската берза за 2022 година за котираните компании, за членките на Берзата и за другите субјекти поврзани со македонскиот пазар на хартии од вредност, која се одржа на 21.12.2022 година, АЛКАЛОИД АД Скопје е добитник на престижната награда за Најтранспарентно котирано акционерско друштво за 2022 година, и тоа во две категории: по избор на пазарните учесници и по избор на новинарите.

Наградата освоена по јубилеен 10-ти пат го потврдува високото ниво на корпоративно управување во компанијата, како и транспарентноста во работењето и квалитетот на комуникацијата со инвеститорите, институциите, медиумите и со јавноста воопшто.

Покрај ова, АЛКАЛОИД е добитник на уште две награди, и тоа за Акција со најголем пораст на прометот во 2022 година, во конкуренција на акционерски друштва со над 50 милиони пазарна капитализација и за Акција на годината за 2022 година, во согласност со гласовите на пошироката инвестициска јавност врз основа на заедничката анкета на Берзата и на порталот „Фактор“.

АЛКАЛОИД АД Скопје континуирано остварува позитивни резултати во работењето и се стреми кон градење одржлив модел на раст и развој на друштвото, нудејќи притоа јасна предвидливост на очекувањата кон пошироката заедница и кон сите заинтересирани страни. Ќе продолжиме со јакнење на овие сегменти од нашето работење и во годините што доаѓаат.

4 ное 2026[Alkaloid launches modern high-rack warehouse in Gjorche Petrov (EN only)](https://alkaloid.com.mk/mk/alkaloid-launches-modern-high-rack-warehouse-in-gjorche-petrov-mk)

* * *

29 окт 2026[АЛКАЛОИД – резултати од работењето за периодот јануари – септември 2026 година](https://alkaloid.com.mk/mk/alkaloid-rezultati-od-rabotenjeto-za-periodot-januari-septemvri-2026-godina)

* * *

28 окт 2026[„АЛКАЛОИД“ Е ПРВАТА ДОМАШНА КОМПАНИЈА ДОБИТНИК НА ПРЕСТИЖНИОТ МЕЃУНАРОДЕН СЕРТИФИКАТ TOP EMPLOYER 2026](https://alkaloid.com.mk/mk/alkaloid-dobitnik-na-nagrada-top-employer-2026)

* * *

8 окт 2026[„АЛКАЛОИД“ СО 23. УЧЕСТВО НА ВОДЕЧКИОТ ГЛОБАЛЕН ФАРМАЦЕВТСКИ НАСТАН CPHI](https://alkaloid.com.mk/mk/alkaloid-so-23-u-ch-estvo-na-vode-ch-kiot-globalen-farma-cz-evtski-nastan-cphi)

* * *

22 сеп 2026[МУКАЕТОВ НА 25. КОНФЕРЕНЦИЈА НА МАКЕДОНСКАТА БЕРЗА: МАЛ ПАЗАР, ГОЛЕМА МОЖНОСТ](https://alkaloid.com.mk/mk/mukaetov-na-25-konferencija-na-makedonskata-berza)

* * *