# „Алкалоид“ доби Златна Бубамара за општествено одговорна компанија

> Во опуштена атмосфера, низ смеа до солзи и пред повеќе од 2 000 гости, „Златна бубамара на популарноста“ годинава го прогласи „Алкалоид“ за општествено…

Source: https://alkaloid.com.mk/mk/alkaloid-dobi-zlatna-bubamara-za-opshtestveno-odgovorna-kompanija

28 фев 2013

Во опуштена атмосфера, низ смеа до солзи и пред повеќе од 2 000 гости, „Златна бубамара на популарноста“ годинава го прогласи „Алкалоид“ за општествено одговорна компанија.

Честа за доделување на признанието му припадна на истакнатиот епилептолог, проф. д-р Тодор Чепреганов.

Не штедејќи епитети и пофални зборови за раководството на „Алкалоид“ и за активностите на оваа компанија, проф. Чепреганов истакна дека му претставува особено задоволство што една од најуспешните македонски компании ќе круниса со признание: „Ова е компанија со којашто, мора да признаам, и јас растев овие 50 години, компанија која има голема визија и е проширена веќе и надвор од нашата земја, компанија која безрезервно инвестира во медицината и во знаењето и во којашто вработените со задоволство го поминуваат работното време, без притисоци и без мобинг“. Со овие зборови проф. Чепреганов го покани на сцена генералниот директор на „Алкалоид АД – Скопје“, г. Мукаетов, да ја подигне статуетката, како што рече: „од рацете на близок пријател“.

Мукаетов истакна дека му е особена чест и задоволство што „Алкалоид“ е дел од оваа манифестација и наградата им ја посвети на вработените во компанијата.

„Ова не е само награда за генерацијата којашто моментално работи во „Алкалоид“, за сите 1400 вработени, туку и за генерациите кои во изминатите 76 години биле дел од неа. Ние сме компанија која се грижи за заедницата, за среќата на граѓаните, за што повеќе насмеани лица. Во таа насока и ќе продолжиме со уште позасилено темпо“, истакна г. Мукаетов во своето пригодно обраќање на свечената церемонија на доделувањето на статуетките.

„Алкалоид“ досега има добиено неколку награди и признанија за корпоративна општествена одговорност.

29 окт 2026[АЛКАЛОИД – резултати од работењето за периодот јануари – септември 2026 година](https://alkaloid.com.mk/mk/alkaloid-rezultati-od-rabotenjeto-za-periodot-januari-septemvri-2026-godina)

* * *

28 окт 2026[„АЛКАЛОИД“ Е ПРВАТА ДОМАШНА КОМПАНИЈА ДОБИТНИК НА ПРЕСТИЖНИОТ МЕЃУНАРОДЕН СЕРТИФИКАТ TOP EMPLOYER 2026](https://alkaloid.com.mk/mk/alkaloid-dobitnik-na-nagrada-top-employer-2026)

* * *

8 окт 2026[„АЛКАЛОИД“ СО 23. УЧЕСТВО НА ВОДЕЧКИОТ ГЛОБАЛЕН ФАРМАЦЕВТСКИ НАСТАН CPHI](https://alkaloid.com.mk/mk/alkaloid-so-23-u-ch-estvo-na-vode-ch-kiot-globalen-farma-cz-evtski-nastan-cphi)

* * *

22 сеп 2026[МУКАЕТОВ НА 25. КОНФЕРЕНЦИЈА НА МАКЕДОНСКАТА БЕРЗА: МАЛ ПАЗАР, ГОЛЕМА МОЖНОСТ](https://alkaloid.com.mk/mk/mukaetov-na-25-konferencija-na-makedonskata-berza)

* * *

21 сеп 2026[ОД ВРВОТ НА ФАБРИЧКИОТ ОЏАК ДО УМЕТНИЧКА ИНСТАЛАЦИЈА: ПРИКАЗНАТА ЗА ИСТОРИСКИОТ ЗНАК НА „АЛКАЛОИД“](https://alkaloid.com.mk/mk/od-vrvot-na-fabri-ch-kiot-o-ak-do-umetni-ch-ka-instala-cz-i-a-prikaznata-za-istoriskiot-znak-na-alkaloid)

* * *