# „АЛКАЛОИД“ ГО КОМПЛЕТИРАШЕ ПРВИОТ НАСТАН ЗА РАЗВОЈ НА ЛИДЕРСТВО > Наменет за менаџерскиот тим на „Алкалоид“ во земјава и во ентитетите во странство, овој настан е уште еден доказ за целосната посветеност на компанијата… Source: https://alkaloid.com.mk/mk/alkaloid-go-kompletira-sh-e-prviot-nastan-za-razvo-na-liderstvo 13 сеп 2024 Наменет за менаџерскиот тим на „Алкалоид“ во земјава и во ентитетите во странство, овој настан е уште еден доказ за целосната посветеност на компанијата за јакнење на лидерските способности и за инвестирање во професионалниот раст и развој на својот менаџмент.  Во време на брзи промени, кога технологијата управува со луѓето, а вештачката интелигенција зема сѐ поголем замав, развојот на човечкиот потенцијал и градењето соодветни вештини се од клучно значење за развој на бизнисите, вклучувајќи го и лидерството како клучна алка во животниот циклус на секоја компанија. Во улога на говорници на алкалоидовиот настан „Развој на лидерството“ беа еминентни светски експерти од областа: Хари Крамер, поранешен извршен директор на фармацевтскиот гигант „Бакстер интернешанал“, автор, професор и извршен партнер во истакнатата американска школа „Келог школа за менаџмент“, кој говореше на тема „Лидерство засновано на вредности“, и Оливие Сибони, поранешен сениор партнер во „МекКинси & компани“, француски консултант, академик и автор, моментално професор по стратегија и менаџмент на престижниот француски универзитет „ХЕК Париз“, кој се осврна на темата „Процесот на донесување одлуки“. „Голем предизвик за сите компании во денешно време не е само регрутирањето на најдобрите кандидати на пазарот на трудот, туку и задржувањето преку креирање мотивирачка и инспиративна работна средина во која луѓето целосно ќе ги вложат своите потенцијали“, истакна генералниот директор и претседател на Управниот одбор на компанијата, Живко Мукаетов, нагласувајќи:  „Одликите на менаџерите, нивните компетенции, знаење, вештини и континуираното надградување може да направат вистинска разлика во севкупните перформанси на компанијата, затоа што секој производ, секој бренд и секој потфат на ’Алкалоид’ се должат на ЛУЃЕТО пред сѐ. Лидерството е динамичен процес за кој се неопходни многу жртви, приспособувања, силна волја, посветеност и напорна работа, а добрите лидери секогаш креираат нови лидери.“  На врвот на приоритетите на секоја современа, амбициозна и успешна компанија се организациската култура, постојаниот фокус на резултатите и високото ниво на етички вредности. Со поттикнување на клучните лидерски вештини, низ развој заснован на вредности и на ефектно донесување одлуки, „Алкалоид“ ги афирмира своите професионални заложби за долгорочен успех и за одржлив раст. 29 окт 2026[АЛКАЛОИД – резултати од работењето за периодот јануари – септември 2026 година](https://alkaloid.com.mk/mk/alkaloid-rezultati-od-rabotenjeto-za-periodot-januari-septemvri-2026-godina) * * * 28 окт 2026[„АЛКАЛОИД“ Е ПРВАТА ДОМАШНА КОМПАНИЈА ДОБИТНИК НА ПРЕСТИЖНИОТ МЕЃУНАРОДЕН СЕРТИФИКАТ TOP EMPLOYER 2026](https://alkaloid.com.mk/mk/alkaloid-dobitnik-na-nagrada-top-employer-2026) * * * 8 окт 2026[„АЛКАЛОИД“ СО 23. УЧЕСТВО НА ВОДЕЧКИОТ ГЛОБАЛЕН ФАРМАЦЕВТСКИ НАСТАН CPHI](https://alkaloid.com.mk/mk/alkaloid-so-23-u-ch-estvo-na-vode-ch-kiot-globalen-farma-cz-evtski-nastan-cphi) * * * 22 сеп 2026[МУКАЕТОВ НА 25. КОНФЕРЕНЦИЈА НА МАКЕДОНСКАТА БЕРЗА: МАЛ ПАЗАР, ГОЛЕМА МОЖНОСТ](https://alkaloid.com.mk/mk/mukaetov-na-25-konferencija-na-makedonskata-berza) * * * 21 сеп 2026[ОД ВРВОТ НА ФАБРИЧКИОТ ОЏАК ДО УМЕТНИЧКА ИНСТАЛАЦИЈА: ПРИКАЗНАТА ЗА ИСТОРИСКИОТ ЗНАК НА „АЛКАЛОИД“](https://alkaloid.com.mk/mk/od-vrvot-na-fabri-ch-kiot-o-ak-do-umetni-ch-ka-instala-cz-i-a-prikaznata-za-istoriskiot-znak-na-alkaloid) * * *