# „Алкалоид“ успешно ги помина инспекциите од британската агенција за лекови

> Агенцијата за лекови од Велика Британија (MHRA), по извршената инспекција во погонот за производство на цврсти фармацевтски форми – таблети во профитниот…

Source: https://alkaloid.com.mk/mk/alkaloid-uspeshno-gi-pomina-inspekciite-od-britanskata-agencija-za-lekovi

5 сеп 2013

Агенцијата за лекови од Велика Британија (MHRA), по извршената инспекција во погонот за производство на цврсти фармацевтски форми – таблети во профитниот центар Фармација, по вторпат го обнови сертификатот за сообразност со начелата на добрата производна пракса (GMP), дефинирани во директивите на Европската Унија.

Истовремено MHRA издаде и нов сертификат за производство на цврсти желатински капсули, како и за погонот за производство на течни фармацевтски форми, за интерна и за екстерна употреба, за коишто Алкалоид АД – Скопје претходно се здоби со сертификати од Aгенцијата за лекови од Република Бугарија и од Јавната агенцијата за лекови и за медицински помагала од Република Словенија.

Оваа GMP-инспекција и проверка на фармацевтскиот систем за квалитет од страна на MHRA се изврши по првпат на повеќе погони во исто време. Тоа претставува уште една потврда за највисоките европски стандарди што Алкалоид АД – Скопје ги применува во секојдневното работење, а тие претставуваат основа за стекнување и за одржување на авторизациите за пласман на своите производи во Европската Унија.

Со ова Алкалоид АД – Скопје се потврдува како високопрофесионален производител на фармацевтски производи со примена на најсовремени производствени технологии и деловни стандарди, сè со единствена цел – квалитетни, ефикасни и безбедни лекови.

29 окт 2026[АЛКАЛОИД – резултати од работењето за периодот јануари – септември 2026 година](https://alkaloid.com.mk/mk/alkaloid-rezultati-od-rabotenjeto-za-periodot-januari-septemvri-2026-godina)

* * *

28 окт 2026[„АЛКАЛОИД“ Е ПРВАТА ДОМАШНА КОМПАНИЈА ДОБИТНИК НА ПРЕСТИЖНИОТ МЕЃУНАРОДЕН СЕРТИФИКАТ TOP EMPLOYER 2026](https://alkaloid.com.mk/mk/alkaloid-dobitnik-na-nagrada-top-employer-2026)

* * *

8 окт 2026[„АЛКАЛОИД“ СО 23. УЧЕСТВО НА ВОДЕЧКИОТ ГЛОБАЛЕН ФАРМАЦЕВТСКИ НАСТАН CPHI](https://alkaloid.com.mk/mk/alkaloid-so-23-u-ch-estvo-na-vode-ch-kiot-globalen-farma-cz-evtski-nastan-cphi)

* * *

22 сеп 2026[МУКАЕТОВ НА 25. КОНФЕРЕНЦИЈА НА МАКЕДОНСКАТА БЕРЗА: МАЛ ПАЗАР, ГОЛЕМА МОЖНОСТ](https://alkaloid.com.mk/mk/mukaetov-na-25-konferencija-na-makedonskata-berza)

* * *

21 сеп 2026[ОД ВРВОТ НА ФАБРИЧКИОТ ОЏАК ДО УМЕТНИЧКА ИНСТАЛАЦИЈА: ПРИКАЗНАТА ЗА ИСТОРИСКИОТ ЗНАК НА „АЛКАЛОИД“](https://alkaloid.com.mk/mk/od-vrvot-na-fabri-ch-kiot-o-ak-do-umetni-ch-ka-instala-cz-i-a-prikaznata-za-istoriskiot-znak-na-alkaloid)

* * *