# Фондацијата „Трајче Мукаетов“ доделува 40 нови стипендии > Фондацијата „Трајче Мукаетов“ и годинава традиционално доделува 40 нови стипендии, и тоа 20 за студенти на Фармацевтскиот и 20 за студенти на… Source: https://alkaloid.com.mk/mk/fondacijata-trajche-mukaetov-dodeluva-40-novi-stipendii-3 30 окт 2015 Фондацијата „Трајче Мукаетов“ и годинава традиционално доделува 40 нови стипендии, и тоа 20 за студенти на Фармацевтскиот и 20 за студенти на Медицинскиот факултет при Универзитетот „Св. Кирил и Методиј“ – Скопје, за учебната 2015/2016 година. Согласно со објавениот јавен конкурс, изборот на стипендистите за учебната 2015/2016 година е усвоен од страна на Управниот одбор на Фондацијата, по предложената прелиминарна листа од Kомисиите за распределба на стипендии. Во составот на Комисиите влегуваат претставници од Фондацијата, од двата факултети, како и претставници од редовите на студентите. Стипендијата изнесува 6.500 денари за 12 месеци. Имињата на стипендистите ќе бидат објавени во печатените медиуми, а Извршната канцеларија на Фондацијата ќе ги контактира за потпишување договори за стипендирање. Согласно со програмските политики за поддршка на млади и амбициозни кадри кои своите кариери ги посветиле на македонското здравство и фармација, почнувајќи од учебната 2009/2010 година, Фондацијата „Трајче Мукаетов“ доделува и еднократна парична награда на првенците на генерациите на Медицинскиот и на Фармацевтскиот факултет при УКИМ, во висина од 1.200 евра во денарска противвредност. Годинава, еднократна парична награда ќе добијат: Надица Сибиновска од Фармацевтскиот факултет, со просек 9,90 и Харис Бабачиќ од Медицинскиот факултет, со просек 10,00. Овогодишните првенци на генерацијата се и досегашни стипендисти на Фондацијата „Трајче Мукаетов“.   Почнувајќи од учебната 2007/2008 година, Фондацијата стипендираше вкупно 344 студенти по фармација и по медицина, вклучувајќи ги и новите 40 студенти во учебната 2015/2016. Од нив, 124 студенти по фармација и 92 студенти по медицина се веќе дипломирани. Доколку ги исполнат предвидените услови, на стипендистите им продолжуваат стипендиите и во текот на наредната учебна година. Од 2009 година до денес, својата кариера во „Алкалоид“, во одделите на сегментот Фармација, ја започнале 34 од стипендираните студенти на Фондацијата. Фондацијата „Трајче Мукаетов“ е основана со одлука на Управниот одбор на „Алкалоид АД Скопје“. Фондацијата чиј основач е самата компанија, има за цел стипендирање, донирање и финансирање на талентирани доктори и фармацевти, како и финансиска поддршка на проекти од овие две области. Досегашните проекти претставуваат доказ за остварување на заложбите на Фондацијата за поддршка на фармацијата, медицината и на науката, пред сѐ преку поддржување млади и амбициозни кадри кои својата кариера ја посветиле на овие дејности. Фондацијата е основана во чест на Трајче Мукаетов, кој на чело на „Алкалоид АД Скопје“ застана во 1985 година, а главно обележје во неговиот мандат е интензивирањето на растот и развојот на компанијата во водечка фармацевтска компанија во регионот. Во контекст на посветеноста и на перманентниот развој, овој голем стратег и визионер сметаше дека важен параметар е зголеменото ниво на инвестирање во научни, истражувачки и во развојни активности, вложувања кои се неопходни за посакуваниот просперитет. Dec 26, 2024 [Обраќање до вработените од страна на Генералниот директор/Претседател на Управен одбор, Живко Мукаетов](https://alkaloid.com.mk/mk/address-to-employees-from-ceo-mb-president-zhivko-mukaetov-2) * * * Jul 9, 2024 [Нашите брендови се дел од секојдневието на луѓето](https://alkaloid.com.mk/mk/nashite-brendovi-se-del-od-sekojdnevieto-na-lugeto) * * * Jul 1, 2024 [Нова мултинационална компанија влегува во Романија на еден од најконкурентните пазари. Од каде потекнува компанијата со речиси деветдецениска историја и какви планови има за локалниот пазар?](https://alkaloid.com.mk/mk/nova-multinacionalna-kompanija-vleguva-vo-romanija-na-eden-od-najkonkurentnite-pazari.-od-kade-poteknuva-kompanijata-so-rechisi-devetdeceniska-istorija-i-kakvi-planovi-ima-za-lokalniot-pazar) * * * Apr 19, 2024 [Интервју на Генералниот директор/Претседател на УО на „Алкалоид“ АД Скопје, Живко Мукаетов, за Jutarnji](https://alkaloid.com.mk/mk/interv-u-na-generalniot-direktor-pretsedatel-na-uo-na-alkaloid-ad-skop-e-zhivko-mukaetov-za-jutarnji) * * * Jan 5, 2024 [Календар на АЛКАЛОИД за 2024](https://alkaloid.com.mk/mk/kalendar-na-alkaloid-za-2024) * * * 29 окт 2026[АЛКАЛОИД – резултати од работењето за периодот јануари – септември 2026 година](https://alkaloid.com.mk/mk/alkaloid-rezultati-od-rabotenjeto-za-periodot-januari-septemvri-2026-godina) * * * 28 окт 2026[„АЛКАЛОИД“ Е ПРВАТА ДОМАШНА КОМПАНИЈА ДОБИТНИК НА ПРЕСТИЖНИОТ МЕЃУНАРОДЕН СЕРТИФИКАТ TOP EMPLOYER 2026](https://alkaloid.com.mk/mk/alkaloid-dobitnik-na-nagrada-top-employer-2026) * * * 8 окт 2026[„АЛКАЛОИД“ СО 23. УЧЕСТВО НА ВОДЕЧКИОТ ГЛОБАЛЕН ФАРМАЦЕВТСКИ НАСТАН CPHI](https://alkaloid.com.mk/mk/alkaloid-so-23-u-ch-estvo-na-vode-ch-kiot-globalen-farma-cz-evtski-nastan-cphi) * * * 22 сеп 2026[МУКАЕТОВ НА 25. КОНФЕРЕНЦИЈА НА МАКЕДОНСКАТА БЕРЗА: МАЛ ПАЗАР, ГОЛЕМА МОЖНОСТ](https://alkaloid.com.mk/mk/mukaetov-na-25-konferencija-na-makedonskata-berza) * * * 21 сеп 2026[ОД ВРВОТ НА ФАБРИЧКИОТ ОЏАК ДО УМЕТНИЧКА ИНСТАЛАЦИЈА: ПРИКАЗНАТА ЗА ИСТОРИСКИОТ ЗНАК НА „АЛКАЛОИД“](https://alkaloid.com.mk/mk/od-vrvot-na-fabri-ch-kiot-o-ak-do-umetni-ch-ka-instala-cz-i-a-prikaznata-za-istoriskiot-znak-na-alkaloid) * * *