# Награда за Европски придонес за 2009 година за Живко Мукаетов, Генерален Директор и Претседател на Управниот Одбор на Алкалоид АД - Скопје

> Наградата за Европски придонес за 2009 година за посебни заслуги за промовирање на Република Македонија, нејзината економија и култура во Европа, како и…

Source: https://alkaloid.com.mk/mk/nagrada-za-evropski-pridones-za-2009-godina-za-zhivko-mukaetov-generalen-direktor-i-pretsedatel-na-upravniot-odbor-na-alkaloid-ad-skopje

25 мај 2010

Наградата за Европски придонес за 2009 година за посебни заслуги за промовирање на Република Македонија, нејзината економија и култура во Европа, како и за промовирање на eвропските идеи и вредности, Европското движење на Република Македонија му ја додели на господинот Живко Мукаетов, генерален директор и претседател на Управниот одбор на Алкалоид АД Скопје.

Наградата на г. Мукаетов му беше врачаена на свечената Академија што во рамките на одбележувањето на 9. мај, денот на Европа и 60 - годишнината од Шумановата декларација, се одржа во Скопје на која, покрај членовите на Европското движење, присуствуваа евроамбсадорот г-дин Ерван Фуере, вицепремиерот задолжен за европски прашања г. Васко Наумовски, претставници на дипломатскиот кор, како и други гости и подржувачи на европската идеја и европските вредности.

  
Наградата за Европски придонес за првпат ја добива човек од економијата, бизнисмен кој води една од најуспешните македонски компании, етаблиран и потврден бренд не само во регионот, туку и пошироко. Како прв човек на Алаклоид АД, кој е присутен и на пазарите на ЕУ и САД, г. Мукаетов , како што беше истакнато, несомнено ја промовира Република Македонија, нејзината економија и култура, покажува дека Македонија има успешни луѓе, успешни компании кои можат да се носат со предизвиците на глобалната економија, можат да продолжат на патот на успехот и во услови на криза.

  
Досега наградата за Европски придонес ја имаат добиено Тоше Проевски, Борис Трајанов, Влатко Стафановски и маестро Симон Трпчевски.  
  
"Наградата претставува исклучителна чест не само за мене и за моите најблиски, туку и за вработените во Акалоид АД, компанија која е веќе во Европа", истакна г. Мукаетов, заблагодарувајќи се на добиеното признание. Тој го потенцира значењето што ваква награда ја добива човек од економијата и изрази надеж дека во иднина ќе има повеќе луѓе од стопанството кои ги практикуваат европските вредности во работењето на патот кон Европа, во Европа во која 9. мај и Македонија ќе го прославува како свој ден.

29 окт 2026[АЛКАЛОИД – резултати од работењето за периодот јануари – септември 2026 година](https://alkaloid.com.mk/mk/alkaloid-rezultati-od-rabotenjeto-za-periodot-januari-septemvri-2026-godina)

* * *

28 окт 2026[„АЛКАЛОИД“ Е ПРВАТА ДОМАШНА КОМПАНИЈА ДОБИТНИК НА ПРЕСТИЖНИОТ МЕЃУНАРОДЕН СЕРТИФИКАТ TOP EMPLOYER 2026](https://alkaloid.com.mk/mk/alkaloid-dobitnik-na-nagrada-top-employer-2026)

* * *

8 окт 2026[„АЛКАЛОИД“ СО 23. УЧЕСТВО НА ВОДЕЧКИОТ ГЛОБАЛЕН ФАРМАЦЕВТСКИ НАСТАН CPHI](https://alkaloid.com.mk/mk/alkaloid-so-23-u-ch-estvo-na-vode-ch-kiot-globalen-farma-cz-evtski-nastan-cphi)

* * *

22 сеп 2026[МУКАЕТОВ НА 25. КОНФЕРЕНЦИЈА НА МАКЕДОНСКАТА БЕРЗА: МАЛ ПАЗАР, ГОЛЕМА МОЖНОСТ](https://alkaloid.com.mk/mk/mukaetov-na-25-konferencija-na-makedonskata-berza)

* * *

21 сеп 2026[ОД ВРВОТ НА ФАБРИЧКИОТ ОЏАК ДО УМЕТНИЧКА ИНСТАЛАЦИЈА: ПРИКАЗНАТА ЗА ИСТОРИСКИОТ ЗНАК НА „АЛКАЛОИД“](https://alkaloid.com.mk/mk/od-vrvot-na-fabri-ch-kiot-o-ak-do-umetni-ch-ka-instala-cz-i-a-prikaznata-za-istoriskiot-znak-na-alkaloid)

* * *