Alkaloid AD Skopje

Довербата е вредност што се гради со години, а се потврдува со секој човек на кого му помагаме и со секоја одговорност што ја преземаме. За проф. д-р @cadikovski.vladimir токму довербата е еден од темелите на лекарската професија, особено кога станува збор за грижата за најмалите. По повеќе од три децении професионален пат, посветеноста, човечноста и желбата да се помогне се вредностите што ја водат неговата работа. Зборувајќи за АЛКАЛОИД, тој со особена гордост се осврнува на компанијата како еден од препознатливите македонски брендови и на она што е најважно да се зачува и во иднина, a тоа се посветеноста, луѓето и душата во сето она што го работиме. Во годината кога одбележуваме 90 години АЛКАЛОИД, со задоволство ги споделуваме неговата искрена порака и желбата да продолжиме да растеме без да ги загубиме вредностите врз кои е изградена довербата. 90 години АЛКАЛОИД – доверба што се гради со генерации. #АлкалоидСкопје #ЗдравјетоПредСè

АЛКАЛОИД со консолидирани продажби од 263 милиони евра, инвестиции од 17,3 милиони евра, 25,1 милиони евра консолидирана нето добивка и 48,5 милиони евра консолидирана ЕБИТДА во периодот јануари – септември 2026 г. Прочитајте повеќе: https://alkaloid.com.mk/mk/alkaloid-rezultati-od-rabotenjeto-za-periodot-januari-septemvri-2026-godina #АлкалоидСкопје #ЗдравјетоПредСе

„Алкалоид“ АД Скопје е добитник на меѓународно признатиот сертификат Top Employer 2026 за Македонија, доделен од реномираниот Top Employers Institute од Холандија, глобална организација која ги оценува и ги сертифицира компаниите што применуваат високи стандарди во управувањето со човечките ресурси и во грижата за вработените. Со ова признание „Алкалоид“ станува првата домашна компанија што ја добива оваа престижна меѓународна сертификација, потврдувајќи дека највисоките светски стандарди во грижата за вработените се составен дел и од македонската корпоративна практика. Дополнително, меѓународното признание Top Employer ја потврдува нашата долгорочна посветеност на вложување во човечкиот потенцијал и на создавање можности за професионален и за личен напредок на вработените, кои се движечка сила на континуираниот развој и долгорочниот успех на компанијата. Продолжуваме да вложуваме во знаење, иновации и во создавање поттикнувачка работна средина во која секој вработен има можност да расте, да напредува и да го оствари својот целосен потенцијал. Благодарност до сите алкалоидовци за нивниот придонес во ова заедничко достигнување! #АлкалоидСкопје #ЗдравјетоПредСе

Големите промени често започнуваат со едноставна желба – да му помогнеме некому. Борче Стаменов, човекот зад хуманитарната иницијатива „Донирај компјутер“, е вистински пример за тоа како посветеноста и хуманоста можат да создадат нови можности за оние на кои поддршката им е најпотребна. Како пријатели и поддржувачи на неговата хумана мисија, горди сме што заедно придонесуваме за позитивни промени во општеството, а во годината на нашиот 90-годишен јубилеј, со особено задоволство ја споделуваме и неговата порака. 90 години АЛКАЛОИД – со хуманост, солидарност и поддршка создаваме подобра иднина. #АлкалоидСкопје #ЗдравјетоПредСе