Сите процеси во природата се одвиваат во свој ритам, па така и човековиот организам е создаден да функционира во согласност со дневно-ноќните соларни и лунарни циклуси. Сепак, современиот начин на живот сè почесто нè оддалечува од овој природен ритам. Засилените ноќни активности, динамичното секојдневие и постојаната изложеност на технологија нè принудуваат да функционираме во ново нормално, кое не е секогаш во склад со нашата биологија. Како резултат на тоа, хроничните растројства на спиењето – инсомнија, апнеја при спиење и нарколепсија – стануваат сè почести. Добрата вест е дека современите дијагностички методи значително им ја олеснуваат работата на специјалистите и дека овозможуваат поефикасно препознавање и третман на таквите состојби. Квалитетниот сон не е луксуз, туку основа за здрав живот. Правилната хигиена на спиењето и разбирањето на хронобиолошките процеси ни помагаат подобро да ги планираме секојдневните активности и да воспоставиме рамнотежа што ќе го поддржи нашето целокупно здравје. Почитувајте го својот природен ритам затоа што добриот ден започнува со добар сон. #АлкалоидСкопје #ЗдравјетоПредСè

Хроничната бубрежна болест (ХББ) претставува значителен и сè поизразен глобален здравствен предизвик, кој засега приближно еден човек од десет луѓе низ светот. Помеѓу 8 и 10 % од возрасната популација живее со одредена форма на оштетување на бубрезите, а секоја година милиони животи се губат предвремено како последица на компликации поврзани со бубрежните заболувања. Токму затоа денеска, по повод Светскиот ден на бубрегот, ја истакнуваме неопходноста од систематска превенција, рана детекција и од навремен, соодветен третман на бубрежните заболувања. Како општествено одговорна компанија, „Алкалоид“ континуирано и активно придонесува за унапредување на здравјето преку наука, иновации и преку одговорен, долгорочен пристап спрема здравствениот систем и пациентите. Дали знаете дека бубрежните заболувања често немаат рани симптоми? Кога последен пат ги проверивте вашите бубрези? Направи чекор за своето здравје! #АлкалоидСкопје #ЗдравјетоПредСè #СветскиДенНаБубрегот

Во рамките на Неделата на глаукомот уште еднаш да ја истакнеме важноста на редовните офталмолошки контроли и на навременото препознавање на оваа состојба. Глаукомот е познат како тивок крадец на видот бидејќи може да се развива постепено, без забележливи симптоми, сè до појавата на сериозни оштетувања. Токму затоа раната дијагноза и соодветната терапевтска поддршка играат клучна улога во зачувувањето на видот. „Цитикол“ е создаден за да биде дополнителна поддршка во третманот на глаукомот, со формула која придонесува за заштита и за одржување на здравјето на очниот нерв. Како дел од сеопфатната грижа, тој претставува сигурен сојузник во долгорочната заштита на видот. Размислувајте превентивно и дејствувајте навреме – со „Цитикол“ направете чекор повеќе кон зачувување на јасниот поглед кон светот. #АлкалоидСкопје #ЗдравјетоПредСѐ

„Алкалоид“ АД Скопје објавува оглас за: Помлад истражувач во одделот Истражување и развој фармација - Развој на технологија и процес Аплицирајте на: bit.ly/4rh8K4j #АлкалоидСкопје #ЗдравјетоПредСе #ЛуѓетоПредСе #Алкариера