Грижата за животната средина започнува од најрана возраст. Во соработка со „Пакомак“, вработените од Одделот за животна средина на АЛКАЛОИД реализираа едукативна работилница за децата од приватната градинка „Светот на Колорес“, посветена на правилното селектирање и рециклирање на отпадот. Преку интерактивни активности, најмладите учеа како секој од нас може да придонесе за почиста и поздрава животна средина. Ова е втора година по ред како организираме вакви едукативни активности, со кои придонесуваме кон развивање еколошка свест уште од најрана возраст. Благодарност до „Светот на Колорес“ за гостопримството и до „Пакомак“ за успешната соработка и заедничката посветеност кон создавање поодговорни генерации. #АлкалоидСкопје #ЗдравјетоПредСѐ

Летото е време кога вашата кожа заслужува повеќе од обична SPF-заштита. Антипигментниот крем Black Up SPF 50 обезбедува висока UVA- и UVB-заштита, а истовремено помага во намалувањето на бројот и големината на пигментните дамки и придонесува за спречување на појавата на нови. Неговата формула е збогатена со три моќни активни состојки: - нијацинамид (витамин Б3) – помага за изедначен и посветол тен и ја намалува појавата на темни дамки; - витамин Е – моќен антиоксиданс кој ја штити кожата од штетните влијанија на околината; Д-пантенол (провитамин Б5) – интензивно ја хидрира, ја смирува и ја поддржува регенерацијата на кожата. Благодарение на екстрактот од алое вера, кремот бргу се впива, не остава тежок слој и ја прави кожата мека, мазна и хидрирана. Идеален е за секојдневна употреба дури и како подлога под шминка. Особено е погоден за чувствителна кожа и за кожа склона кон хиперпигментации. Нека сонцето биде ваш сојузник, а не причина за нови пигментни дамки. #АлкалоидСкопје #ЗдравјетоПредСѐ

АЛКАЛОИД добитник на признание за енергетски менаџмент на европско ниво. На Конференцијата на Европските енергетски менаџери (EUREM), одржана на 16 и 17 јуни 2026 година во Љубљана, АЛКАЛОИД АД Скопје беше избран за најдобра голема компанија за енергетски менаџмент од Македонија, а доби и европско признание за своите достигнувања во оваа област. На конференцијата беа претставени долгогодишните активности и резултати на компанијата преку презентацијата „Innovation driven optimization of RES, water and compressed air systems by ALKALOID AD’s Energy Management Department“, по што на АЛКАЛОИД му беше доделена и престижната EUREM значка. Настанот беше организиран со особено внимание кон одржливоста, при што се водеше сметка и за намалување на CO₂ отпечатокот, во согласност со принципите на одговорно управување со ресурсите. Ова признание претставува уште една потврда за континуираната посветеност на АЛКАЛОИД кон енергетската ефикасност, иновациите и одржливиот развој. #АлкалоидСкопје #ЗдравјетоПредСѐ

Доењето е еден од најважните почетоци во животот на секое бебе, а мајката заслужува соодветна поддршка во текот на целиот тој период. Во овој посебен период балансираната исхрана и соодветното внесување витамини, минерали и масни киселини омега 3 имаат значајна улога во задоволувањето на зголемените нутритивни потреби на мајката. „ПреМама дуо QF“ е додаток во исхраната со 100% активна фолна киселина, 11 витамини, 10 минерали и со масни киселини омега 3 (DHA и EPA), внимателно формулиран за да обезбеди дневна нутритивна поддршка во периодот на бременост и на доење. Грижата за бебето започнува со грижата за мајката и со обезбедувањето на нутритивната поддршка што ѝ е потребна во овој посебен период. #АлкалоидСкопје #ЗдравјетоПредСѐ