Поврзувањето на тимовите, споделувањето искуства и заедничката визија за развој беа во фокусот на годишната средба на АЛКАЛОИД за пазарите во Хрватска и во Босна и Херцеговина, одржана во Плитвице, Хрватска. Средбата ги обедини колегите од двата пазари во размената на знаења и добри практики, разговорите за унапредување на меѓусебната соработка, градењето усогласен пристап спрема идните предизвици и следните чекори во рамките на кластерот Источна Европа. Дел од програмата беа и обраќањата на Генералниот директор и Претседател на УО, @zhivkomukaetov, и на претставниците на високиот менаџмент, со осврт на стратешките приоритети, развојните перспективи и натамошното зајакнување на АЛКАЛОИД на регионалните пазари. Средбата доби посебна симболика во годината на одбележување на 90-годишниот јубилеј на АЛКАЛОИД – девет децении раст заснован на знаење, иновации и доверба и на силна организациска култура изградена врз искуството, партнерството и вредностите што нè обединуваат. Токму преку соработката, поврзувањето на тимовите и споделените амбиции продолжуваме да создаваме нови можности за раст и за успех. #АлкалоидСкопје #ЗдравјетоПредСе

Новата учебна година носи нови знаења, предизвици и многу активни денови, но и потреба од дополнителна грижа и поддршка на детскиот интелектуален развој. Becutan KIDS VITS мултиомега 3 содржи комбинација од масни киселини омега 3, DHA и EPA, витамини и минерали. DHA придонесува за одржување на нормалната мозочна функција и за одржување нормален вид, додека, пак, цинкот и јодот придонесуваат за нормална когнитивна функција. Формула создадена за да ја збогати детската исхрана со важни нутриенти во периодот исполнет со учење, откривање и со нови искуства. Затоа што секое ново знаење започнува со вистинската поддршка. #АлкалоидСкопје #ЗдравјетоПредСѐ

Летото е идеално време за да ги откриете чаевите Good Nature од ѓумбир во поинакво издание – како вкусни и освежителни ледени чаеви. Изберете го вашиот омилен вкус: - ѓумбир – за љубителите на препознатливиот интензивен вкус; - ѓумбир и лимонова трева – освежителна комбинација со пријатни цитрусни ноти; - ѓумбир со цимет– совршен баланс на пикантност и ароматичност. Пригответе го чајот на вообичаениот начин, оставете го да се излади, додајте мраз, свежо овошје или неколку листови нане и уживајте во природното освежување секој летен ден. #АлкалоидСкопје #ЗдравјетоПредСѐ

90-те години на АЛКАЛОИД се создаваа преку приказните на луѓето што растат заедно со компанијата. Дваесет од тие деведесет години се дел и од професионалниот пат на Бисера Јанеска-Трајковска, помлад менаџер во лабораторијата за суровини. Изминатите две децении се променија многу нешта – технологијата, аналитичките техники и дигитализацијата на процесите. Но, она што остана исто се вредностите врз кои се темели АЛКАЛОИД: професионалноста, квалитетот, одговорноста и тимскиот дух. Во лабораторијата за суровини секојдневно се поставуваат темелите на квалитетот преку знаење, современи технологии и бескомпромисна посветеност на највисоките стандарди. Токму таквиот пристап веќе две децении е дел и од професионалниот пат на Бисера. Ваквите приказни ја градат традицијата на АЛКАЛОИД – 90 години континуиран развој, високи стандарди и луѓе кои растат заедно со компанијата. #АлкалоидСкопје #ЗдравјетоПредСѐ