КОЗМЕТИКА

Долгогодишното искуство и традицијата од 85 години се темелат врз квалитетот на богатата палета производи на „Алкалоид – козметика“, која опфаќа производи за нега на секаков тип кожа, вклучувајќи ја и детската; производи за нега на косата; парфемска колекција за жени и за мажи, како и козметика за домаќинството.

Успехот на „Алкалоид – козметика“ не им се препишува само на неговите иновативни производи туку и на неговиот мотивиран и стручен менаџерски тим.

Менаџерскиот тим на „Алкалоид – козметика“ континуирано соработува со меѓународни институции и со експерти, во насока на развивање нови производи.

Извонредните формулации користени во нашите козметички производи ги задоволуваат највисоките очекувања на нашите потрошувачи. Ние ги користиме најсовремените трендови во козметичката технологија и гарантираме за врвниот квалитет на нашите производи.

Состојките кои се составен дел на производите се набавуваат од добавувачи кои ги задоволуваат високите стандарди за квалитет, а тие се во согласност со барањата на европската директива за квалитетен козметички производ.

Производствениот процес се одвива според највисоките стандарди во индустријата – GMP (добра производствена практика).

Палетата производи е добро позната и продавана во Македонија, Србија, Босна и Херцеговина, во Хрватска, Словенија, Црна Гора и во Албанија.

На пазарот постоиме благодарение на оригиналниот квалитет, високата стручност и на технологијата.

Нашиот успех зависи од вашето задоволство!