45 години Becutan

45 години создаваме нежност и сме дел од детството на илјадници генерации кои израснаа со Becutan!

Високо позициониран во корпоративната визија, еден од главните приоритети на АЛКАЛОИД е грижата за децата и за здравјето пред сѐ. Водејќи грижа за вас, нашите верни корисници, во изминатите 45 години компанијата и брендот Becutan ја стекнаа вашата доверба и лојалност обезбедувајќи производи со супериорен квалитет. Преку овој јубилеј ја славиме нашата посветеност, но и довербата која децении наназад цели генерации родители ни ја доверија токму нам. 

45-тиот роденден го одбележавме на прес-конференција заедно со претставниците на медиумите од Македонија и од регионот и на стручната јавност, на која и премиерно го претставивме новиот видеоспот за Becutan. 

Во исто време, нашите мали алкалоидовци, заедно со децата од СОС детското село, го прославија роденденот на Becutan со дружење и со игра преку повеќе активности организирани за нив во нашата спортска сала „Автокоманда“.

Во периодот кој следува одреден процент од продажбите на течната линија од колекцијата Becutan ќе ѝ се донира токму на организацијата СОС детско село.