Посетете ја вашата локална Алкалоид веб страница

Генералниот директор/Претседател на УО на „Алкалоид“ АД Скопје, г. Живко Мукаетов, на покана на британскиот амбасадор Метју Лосон, а во присуство на претставници на ЈП „Национални шуми“ – Скопје и на бизнис-заедницата, беше дел од настанот „Plant a tree for the Jubilee“, во организација на британската Амбасада во Скопје. 

Нашата компанија со особено внимание и задоволство безрезервно се вклучи во проектот Иницијатива за садење дрвја. Преку донираните финансиски средства за активностите за пошумување се обезбеди подготовка на терен со механизирана обработка на 1 хектар почва, како и набавка на 2.500 садници од видот јавор и багрем. 

Со овој мал, но многу значаен гест уште еднаш испраќаме порака дека грижата за подобрување на заедничкиот живот во околината во која живееме и работиме треба да биде еден од најголемите приоритети на сите компании, на секоја заедница и на секој поединец.