Посета на Алкалоид

Претставници на Амбасадата на Кралството Данска, предводени од Н.Е. Амбасадорката Сузан Шајн, резидентна во Белград, ги посетија производните капацитети на „Алкалоид“, Институтот за истражување и развој како и просториите во кои се сместени Конзулатот на Кралството Данска и Кралството Норвешка.

Посетата на високите претствници на Амбасадата на Кралството Данска од Белград во Скопје се одвиваше во период од 18 до 20 септември 2023 година, во рамки на посетата на Комитетот за Европски прашања при Данскиот Парламент.

Генералниот директор и Претседател на Управниот одбор на „Алкалоид“ ја извршува функцијата Генерален конзул на Кралството Данска од септември 2007 година, а од јуни 2023 година е назначен и за Конзул на Кралството Норвешка.