20 мар. 2023 г.

Oбраќање на Генералниот директор и Претседател на УО на „Алкалоид“, г. Живко Мукаетов, по повод финансиската поддршка за настраданите од земјотресите во Турција и во Сирија



Земјотресите кои, за жал, се случија во Турција и во Сирија се нешто кое и ние како Скопје, како Македонија, сме го доживеале историски порано. Самите сме свесни дека во 1963 година имавме еден огромен земјотрес, кој и ден-денес на овој или оној начин има влијание како се развиваше градот Скопје, и од тој аспект сметам дека ние како општествено одговорна компанија, Алкалоид, треба да сме тука и да им помагаме на оние кои имаат потреба од тоа.


Од тој аспект, преку Црвениот крст дониравме 3 000 000 денари за да им помогнеме на настраданите во Турција и во Сирија, а во меѓувреме и во координација со турската Амбасада тука во Скопје дониравме и една количина на лекови врз база на она што беше нивна потреба. Сметам дека сите ние треба да бидеме солидарни, сите ние треба да покажеме емпатија и во овие тешки моменти да покажеме дека на тие луѓе таму, кои имаат потреба од разна форма на помош, треба да им се најдеме и таа солидарност масовно да ја покажеме. Апсолутно апелирам и до сите оние други кои можат да помогнат да бидат тука до народот на Турција и на Сирија и да им помогнеме. Затоа што гледате и сами дека никогаш не се знае каде тоа може да се случи.


Од мене, уште еднаш, едно големо жалење за оваа трагедија и да се надеваме дека со заеднички сили ќе можеме да помогнеме барем малку да им се надокнади она што го изгубија од земјотресот.