Во септември 2024 година ги отворивме вратите за вработување на уште осум ученици од втората генерација на парцијално дуално образование со назив Фармацевтски техничар во фармацевтската индустрија. Втората генерација ја започна својата едукација во нашата компанија во септември 2022 година. Со вработувањето на учениците од втората генерација ја продолжуваме успешната приказна на овој проект како дел од Програмата за млади таленти, преку која досега се вработија вкупно 24 ученици или 54,5 % од учениците кои беа дел од овие две паралелки. Нашата компанија и во иднина ќе продолжи со континуирано вложување и реализација на проекти за млади таленти, преку кои очекуваме да изградиме и да вработиме уште многу идни професионалци. Нашата стратешка определба за континуиран раст и за унапредување, како и за вложување во заедницата веруваме дека ќе резултира со уште многу успешни проекти. Им посакуваме успешена и долга кариера во рамките на „Алкалоид“ АД Скопје. #АлкалоидСкопје #ЗдравјетоПредСѐ #ЛуѓетоПредСѐ

ШК Алкалоид есенва ќе се фокусира на меѓународните настапи. Шаховскиот клуб „Алкалоид“ имаше исклучително активен период во кој настапи на сите државни првенства, атакувајќи на првите места во сите конкуренции. Шампионски титули освоија ИМ Тони Лазов и ЖИМ Габриела Коскоска, кои на поединечните првенства станаа национални шампиони во машка и во женска конкуренција, наследувајќи ги на овие позиции минатогодишните прваци ВМ Звонко Станојоски и ЖФМ Моника Стојковска, исто така членови на ШК Алкалоид. Ова беше прекрасен вовед во државните екипни првенства, во кои ШК Алкалоид тргна во одбрана на двете титули. Во машка конкуренција, со целосна доминација и со максимален број на поени, беше освоена вкупно 26. шампионска титула во 32 настапи на клубот (сметано од 1992 година до денес), а 12. освоена едноподруго! Во женска конкуренција, без пораз, но со еден нерешен резултат, шахистките го поделија првото место, но според тај-брејк параметрите го добија пехарот за второто место. Следните свои предизвици најтрофејниот спортски колектив во Македонија ќе ги има на меѓународната сцена, каде што го очекува настап во Европскиот клупски куп, кој оваа година во октомври се одржува во Врњачка Бања, соседна Србија. Претходно, во 2016 година, ШК Алкалоид стана европски првак во екипна конкуренција, а во 2017 година беше второпласиран. Oваа сезона се формираше ШК Мулти Есенс, клуб наменет за младите шаховски таленти кои произлегуваат од школата на ШК Алкалоид. Постарите напредни младинци, кои, исто така, имаа успеси во поединечните и во екипните првенства во јуниорска конкуренција, овојпат играа во сениорска конкуренција и најпрвин преку квалификации се пласираа во Втората лига, а потоа успеаја да го освојат второто место во неа, со што се здобија со право на настап во 2025 година во најквалитетното екипно натпреварување во државата, Првата лига. #АлкалоидСкопје #ЗдравјетоПредСе #ШКАлкалоид

Ги здружуваме силите со Пакомак за здрава и зелена иднина! Нашата соработка е чекор напред во создавањето на одржлива иднина. Заедно, имаме за цел да поттикнеме здрав начин на живот и одржливи практики, фокусирајќи се на здравјето на луѓето и на зачувувањето на природата. „Здравје за луѓето, грижа за природата!“ #АлкалоидСкопје #ЗдравјетоПредСѐ

РК Алкалоид е подготвен за новата сезона 2024/2025! РК Алкалоид продолжува да чекори по својата трасирана патека и по успешно комплетираните подготовки во исчекување е на новите предизвици. Во новата сезона енергијата повторно ќе се насочи кон развој на младите таленти и кон промовирање на македонскиот ракометот на национално и на интернационално ниво. Во својата трета суперлигашка сезона РК Алкалоид влегува со јасна визија. Последните успеси и освоениот прв пехар во сениорска конкуренција во Купот на Македонија се наследство што ќе се брани на секој натпревар. Првиот предизвик ни е на 4 септември кога следува битката за престижниот пехар во македонскиот Суперкуп. Втора година по ред РК Алкалоид ќе биде дел од европската ракометна сцена. Оваа сезона ќе се натпреваруваме во Европскиот куп на ЕХФ, кој започнува во октомври, а прв противник ќе ни биде литванскиот вицешампион Клаипеда Драгунас. Нашиот РК Алкалоид е подготвен, мотивиран и екипиран за спортската сезона 2024/2025! Желбата е секогаш да се оди чекор напред, а ние со нетрпение очекуваме да го бодриме од трибините! Заедно кон нови победи! #АлкалоидСкопје #ЗдравјетоПредСе #РКАлкалоид