За неделата посветена на рециклирањето (14.10.2024 – 20.10.2024) поведовме иницијатива за намалување на влијанието на отпадот од пакувањата со порака „Заедно можеме да направиме повеќе!“ Како дел од нашата континуирана заложба за одржливост и за грижа за животната средина, започнавме со нова иницијатива со нашите вработени за управување со отпадот од пакувањата. Отпадот од пакувањата е значаен еколошки предизвик и со користење на нашите постојни системи и алатки можеме да имаме големо влијание. Оваа кампања е дел од ESG-стратегијата на „Алкалоид“ и ќе се спроведува во соработка со националниот колективен постапувач ПАКОМАК. Ги поттикнуваме вработените да учествуваат во селектирањето на отпадот од амбалажата, а како мотивација предвидени се награди за најдобрите екологисти. Работејќи заедно и правејќи мали, но значајни промени, можеме да го намалиме влијанието од отпадот од пакувањата и да придонесеме за поодржлива иднина. Преку ESG-стратегијата „Алкалоид“ покажува континуирана примена на принципите на циркуларната економија, со што ја демонстрира својата заложба за рециклирање, одржливост и за рационално искористување на материјалите и на енергијата во секој домен од своето дејствување. #АлкалоидСкопје #ЗдравјетоПредСѐ

Останете заштитени оваа сезона со MULTI ESSENCE Имунo! Не дозволувајте сезонските настинки и грипот да ви ги променат плановите за совршена есен! Нашите микрогранули за директна употреба ги обезбедуваат потребните хранливи материи за зајакнување на имунитетот и за одржување на здравјето во текот на целата година. #АлкалоидСкопје #ЗдравјетоПредСѐ

Kако општествено одговорна компанија и како континуиран поддржувач на ревизорската професија, „Алкалоид“ АД Скопје и оваа година се вклучи со поддршка за Годишната меѓународна конференција за ревизија, организирана од Здружението на внатрешни ревизори и од Институтот на овластени ревизори. Нашиот внатрешен ревизор Данило Јовановиќ беше дел од оваа конференција како учесник на панел-дискусијата на тема „ESG - известување надвор од бројките“. Ние сме горди што сме активни учесници во важни дискусии како што е ESG, поттикнувајќи одржлив раст и позитивно влијание за во иднина. #АлкалоидСкопје #ЗдравјетоПредСѐ #ЛуѓетоПредСе

На денешниот Светски ден на видот ја подигаме свеста за важноста од одржување на здравјето на очите и од спречување на оштетувањето на видот. Очите се нашиот прозорец кон светот, па затоа грижата за нив треба да биде приоритет. Посветете му го потребното внимание и инвестирајте во здравјето на вашите очи, без разлика дали преку редовни прегледи, здрав начин на живот или преку производи специјално наменети за оваа цел од линијата „Прокулин“ и „Цитикол“ од „Алкалоид“. Малите чекори можат многу да придонесат во зачувувањето на видот. #АлкалоидСкопје #ЗдравјетоПредСѐ