Како еден од водечките производители на антибиотици во регионот, ние играме витална улога во заштитата на јавното здравје, обезбедувајќи лекови на кои им веруваат милиони луѓе. Алкалоид произведува различни класи на антибиотици со највисок фармацевтски квалитет, безбедност и ефикасност. Со својот Систем за фармацевтски квалитет, дел од Интегрираниот менаџмент систем (IMS), како и придржувањето до најновите глобални насоки за Добрата производствена пракса (GМP) и меѓународните ISO стандарди, нашите најсовремени капацитети, опрема и технологии овозможуваат висококвалитетно производство и контрола. Дополнително, секој чекор од синџирот на снабдување е строго регулиран за да се спречи влез на фалсификувани производи. Алкалоид дава приоритет на еколошката одржливост во производството и контрола на квалитетот на антибиотиците. Применуваме рамки за животна средина и општествени прашања (ESG) со цел намалување на влијанието врз животната средина при што се залагаме во правилно отстранување на антибиотиците. Како посветена општествено одговорна компанија Алкалоид позитивно придонесува за заедницата и промовира одржлива иднина. #АлкалоидСкопје #ЗдравјетоПредСе

Крводарителството како доброволен чин на дарување крв е одраз на хуманото однесување на секој поединец кој може да дарува крв. Алкалоидовци со години ја негуваат традицијата на дарување крв, постојано потврдувајќи ги својата хуманост, безрезервната посветеност и одговорното однесување. На 19 ноември 2024 година во Тренинг-центарот на АЛКАЛОИД АД Скопје во Лафома, Ѓорче Петров, успешно реализиравме уште една масовна крводарителска акција организирана во соработка со Црвен крст на град Скопје/City Red Cross of Skopje и со Институт за Трансфузиона Медицина на РМ Со гордост истакнуваме дека нашите вработени повторно покажаа неверојатна сплотеност и хуманост дарувајќи крв и придонесувајќи во спасувањето животи. Под мотото „Дарувај крв, спаси живот“, повеќе од 250 алкалоидовци изразија волја за доброволно крводарување во рамките на колективната акција. Оваа акција е уште еден доказ дека заедно можеме да направиме голема разлика и дека сме секогаш подготвени да помогнеме кога е најпотребно. Искрено им благодариме на сите вработени кои учествуваа и кои помогнаа оваа иницијатива да биде успешна. Вие сте вистински херои! Здравјето пред сѐ! #АлкалоидСкопје #ЗдравјетоПредСе

Оваа недела се приклучуваме кон глобалната кампања за кревање на свеста за антимикробна резистенција. Откривањето на антибиотиците доведе до важен пресврт во историјата на медицината. Нивното воведување го промени начинот на справување со бактериски инфекции, што резултираше со значително намалување на смртноста и на морбидитетот поврзани со бактериски болести. Денешната достапност на антибиотици овозможува превенција и контрола на ширењето на инфекции во заедниците и болниците. За жал, несоодветната употреба на антибиотици може да доведе до појава на резистентни бактерии. Антимикробната резистенција (АМР) се појавува кога микроорганизмите се менуваат или мутираат со текот на времето, достигнувајќи точка каде што веќе не реагираат на лековите кои претходно биле ефективни за нивно лекување. Ситуацијата се влошува бидејќи човештвото сега се соочува со појава на нови бактериски соеви кои се истовремено отпорни на неколку антибиотици. Зголемувањето на антимикробната резистенција е значајна закана за јавното здравје, бидејќи ја загрозува нашата способност ефикасно да ги лекуваме инфекциите. Покрај употребата кај луѓето, земјоделството е исто така значаен фактор за развој на антимикробна резистенција. Според извештајот на Групацијата на Светската банка, најголемиот дел од употребата на антимикробни средства во многу земји се одвива во земјоделскиот сектор, особено во сточарството. Со совесно користење на антибиотиците во сите сфери на опкружувањето, сите ние можеме да придонесеме кон намалување на антимикробната резистенција! Приклучи се и ти! #АлкалоидСкопје #ЗдравјетоПредСе

Денес го одбележуваме Светскиот ден на предвремено родените деца. Со бескрајна грижа, љубов и поддршка, овие мали чуда нè учат дека дури и најмалите чекори можат да водат кон најголеми победи. Овој ден е посветен на малечките борци, нивните семејства и сите здравствени работници што помагаат во олеснување на овој предизвик - вашата храброст нè инспирира секој ден. #АлкалоидСкопје #ЗдравјетоПредСе #ЛуѓетоПредСе