Посетете ја вашата локална Алкалоид веб страница

„За секој професионалец во ‘Обезбедување квалитет’ најважна е заложбата за квалитет. Мојот работен ден е исполнет со сите предизвици да се одржи и да се потврди високото ниво на системот за квалитет, во согласност со националните и со меѓународните законски барања и со стратегијата на „Алкалоид“ АД Скопје, како и на квалитетот на производите од нашето портфолио.

Проверките од многубројните регулаторни инспекции, аудитите/проверките од нотификациски и од сертификациски тела, како и партнерите од мултинационални компании низ светот се постојан предизвик да се вброиме меѓу најдобрите компании и да ги одржиме сертификатите со кои се овозможува промет во преку 50 земји. Долгогодишниот успех се должи на секојдневната комуникација со професионалците за различни деловни активности во компанијата, со цел нивно усогласување, документирање и подобрување.

Доколку сте ентузијасти, подготвени секојдневно да учите од врвни експерти и од искусни колеги; доколку имате исклучителни комуникациски способности и доколку сте одговорни, со интегритет и со доверба во своите способности, имате извонредна можност за професионален развој и за успешна кариера во ‘Обезбедување квалитет’. Нашиот тим ќе ве обучи и ќе ви помогне да ги препознаете возбудата и исполнетоста по успешно решените работни задачи од доменот на квалитетот“, Нада Попстефанова.

Испратeте ја својата апликација на career@alkaloid.com.mk и започнете ја и вие својата Алкариера!

#Алкариера

#ЗдравјетоПредСè

#АлкалоидСкопје