ПРЕГЛЕД
Производство – Фармација
Почнувајќи од 1998 година, „Алкалоид“ АД Скопје мина низ инвестициски циклус вреден приближно 60 милиони евра, средства кои, главно, беа искористени во сегментот Производство – Фармација.
Во 2002 година компанијата ја заврши изградбата на новата фабрика за цврсти дозирани форми и на фабриката за полусинтетски цефалоспорини, која се наоѓа на околу 10 км од седиштето на „Алкалоид“ АД Скопје, во западноиндустриската зона во Ѓорче Петров.
Водејќи сметка за квалитетно одвивање на процесот на производство, во 2005 г. „Алкалоид“ изгради и опреми нов оддел за пакување лекови, во согласност со нормите за добра производствена пракса. Одделот е опремен со 6 автоматски блистер-линии и со една стрип-линија, наменета за пакување на таблетите Caffetin. Во рамките на инвестицискиот проект за нов погон за пакување лекови, „Алкалоид“ предвиде и приспособи нов простор за чување полупроизводи (интермедиери), во согласност со највисоките стандарди за работење во фармацевтските компании. Со оваа дополнителна инвестиција во голема мера е добиена предност во брзината и во ефикасноста на одвивање на производствениот процес, со тоа што постојната резерва на полупроизводи се подготвува за различни пазари, според различните побарувачки и потреби.
Со цел да се подигне степенот на автоматизација на производството, инсталирана е автоматска линија за дозирање, затворање, етикетирање и за пакување течности за орална употреба.
Во 2018 година е пуштен во употреба погонот за полуцврсти форми, по извршената целосна реконструкција на просторот, во согласност со барањата на GMP-стандардите. Набавена и поставена е нова опрема за производство на масти за окуларна и за топикална употреба и на кремови и гелови за топикална употреба.
Во 2020 година е пуштен во употреба нов погон за пакување лекови, опремен со две блистер-линии за пакување со голема брзина, со кои се постигнува зголемување на капацитетите за пакување за 25 %.
Во 2021 г. се реализира инсталација на втора автоматска линија за дозирање течности за орална употреба, со што се обезбеди дозирање производи со нов волумен и со нов тип амбалажни единици.
Производствени капацитети
Производство – Фармација се состои од следниве производствени оддели/капацитети:
- Производство – цврсти форми
- Производство – цефалоспорини
- Производство – течности
- Производство – полуцврсти форми
- Пакување лекови
- Производство на фармацевтски суровини
Сите капацитети за производство на фармацевтски дозирани форми се целосно опремени во согласност со европските GMP-стандарди.
Строгите норми за добра производствена пракса налагаат почитување на прописите што се од исклучителна важност за непречено и за високософистицирано одвивање на процесот на производство на лекови.
Севкупната производствена програма на фармацевтски производи на Производство – Фармација се состои од следниве фармацевтски форми:
цврсти дозирани форми за орална употреба: таблети – конвенционално и модифицирано ослободување – филм-обложени таблети, дражеи, капсули и сув прашок за орална суспензија;
течни дозирани форми за орална употреба: раствори за орална употреба, сирупи и суспензии;
топикални препарати: кремови, масти, раствори за надворешна употреба, гелови, вагиналети и супозитории.
Покрај капацитетите за производство на фармацевтски дозирани форми, Производство – Фармација на „Алкалоид“ има погон за екстракција на опиоиди, кој вклучува производство на морфин и на негови деривати како фармацевтски суровини.
Производствениот капацитет на годишно ниво, организиран во три смени, е следниов:
4 милијарди цврсти дозирани форми за орална употреба;
200 милиони таблети, 85 милиони капсули, 5 милиони шишиња сув прашок за орална суспензија и 10 милиони одделни кутии на готови лекови, полусинтетски цефалоспорини, како цврсти дозирани форми за орална употреба;
6 милиони супозитории и вагитории;
10 милиони туби маст, кремови и гелови;
1,8 милиони шишиња раствори за надворешна употреба;
9 милиони шишиња раствори за орална употреба, сирупи и суспензии;
160 милиони одделни кутии за пакување лекови;
10 тона производство на фармацевтски суровини.
Одделот за контрола на квалитет на ПЦ Фармација има лабораториски простории од околу 3000 m2. Одделот за контрола на квалитет има голем број на високо обучени и искусни професионалци и повеќе од 70% од нив имаат најмалку универзитетска диплома. Опремата и инструментацијата во своите најсовремени лаборатории е контролирана преку врвен софтвер и е во согласност со сите барања за интегритет на податоци, што овозможува подобрена продуктивност на лабораторијата и зголемена следливост. Сите компјутеризирани системи и инструменти се во согласност со 21 ЦФР (Кодекс на федерални регулативи) дел 11 и барањата за интегритет на податоци, со кои се гарантира дека генерираните податоци се електронски потпишани и безбедно зачувани, заштитени и архивирани низ целиот животен циклус.
Одделот за контрола на квалитет опфаќа координирани активности за контрола на квалитет на сите влезни материјали, преку процесот на производство до готовиот производ, со рок на траење во одредени услови на чување и спецификации во согласност со строгите Европски и меѓународни стандарди. Контролата на квалитет ја сочинуваат неколку координирани активности и процеси кои се интегрирани во Интегрираниот фармацевтски Систем за Квалитет на Алкалоид, врз база на моменталните барања за добра производтсвена практика. Континуирано и ефикасно процесирање, следење и управување со сите информации во врска со процесите се прави преку АлкаСАП системот.
Контрола на суровини, на контактна и на секундарна амбалажа
Контролата на активните фармацевтски состојки, другите соединенија и контактната амбалажа вклучуваат активности за контрола на нивните физички и хемиски својства и микробиолошки карактеристики во согласност со признаените европски и меѓународни стандарди. Секундарната амбалажа треба да им дава доволни и разбирливи информации на медицинскиот персонал и пациентите. Овие активности се спроведуваат со користење на модерни валидирани инструменти и техники, како што се: инфрацрвена и РАМАН (RAMAN) спектроскопија во блиска област за секој контејнер со влезен материјал, Инфрацрвена спектроскопија, ТОЦ (TOC) анализатори кои го анализираат вкупниот органски јаглерод во водата како медиум за фармацевтско производство, гасна и високо перформансна течна хроматографија, автоматски титратори, итн. Овие инструменти и генерираните податоци се контролираат преку софтвер кој е во согласност со сите применливи тековни стандарди и регулативи.
Контрола на фазно производство и контрола на готови производи
Производите се следат во сите фази на нивниот производствен процес, со сите нивни специфичности во секој фаза, па сè до испораката на готовиот производ. Готовите производи, во поглед на физичките, хемиските и фармацевтско-технолошките аспекти, одговараат на спецификациите воспоставени со строгите меѓународни прописи.
Активностите се извршуваат со употреба на модерни валидирани инструменти и техники, како што се: гасна и високо перформансна течна хроматографија, спектрометри, системи за растворање, итн. Има неколку софтверски платформи, како што е CDS - Систем за хроматографски податоци, кои ги собираат и безбедно ги складираат податоците во согласност со сите применливи Упатства и прописи за интегритет на податоците.
Аналитичките методи со кои се вршат анализите континуирано се надградуваат, и се усовршуваат и соодветно се валидараат. Сигурноста на нивните перформанси е секогаш на највисоко ниво.
Микробиолошка контрола
Микробиолошките активности се изведуваат во посебни лабораториски простории, изградени во согласност со најсофистицираните cGMP. Во микробиолошки класифицирани простории, инсталирана е соодветна опрема: ламинарни биобезбедни кабинети за изведба на анализи, инкубатори, суви стерилизатори, автоклави, ладилници/замрзнувачи, микроскопи, инструмент за идентификација на микроорганизми итн. Преку координирани и преку строго утврдени процедури се извршуваат следниве активности: контрола на производи и системи, прочистена вода и други медиуми за фармацевтско производство, надзор на чистотата на собите и на опремата во производните одделенија, како и сите други останати активности во согласност со ДПП-стандардите.
Како дел од биолошките тестови, се изведуваат и тестовите за отсуство на бактериските ендотоксини во влезните материјали и во готовите производи, кои се специфични за стерилното производство.
Стабилност на готовите фармацевтски производи
Мостри од комерцијалните серии на производите се чуваат во специјални соби за стабилност, во услови кои симулираат најлош случај на надворешни услови на кои се изложени производите во својот животен циклус до декларираниот рок на траење. Условите во специјалните соби за стабилност се постојано надгледувани и контролирани со помош на софтвер како интегрален дел од собите за стабилност и преку дополнителен софтверски систем за мониторинг. Направените студии за стабилност докажуваат дека декларираниот рок на траење и специфицираните услови за чување на производите се во согласност со претходно дефинираната спецификација.
Валидациски активности и мониторинг
Во согласност со GMP-операциите се изведуваат процеси поврзани со: валидација на аналитичките методи, валидација на производните процеси, валидација на чистотата на просториите и на опремата, валидација на системите за вода за фармацевтска апликација, компримираниот воздух, пареата, чистота на опремата итн. Со претходно утврдена шема на критични точки во прдходно дефинирани временски периоди континуирано се изведува рутински мониторинг на сите претходно дефинирани активности.
Квалитетниот внес на материјали во производниот процес, како и строго контролираните услови за фармацевтско производство се предуслов за обезбедување на безбедни и висококвалитетни фармацевтски производи.
Регистрациски активности
Одделот за контрола на квалитет работи на развој на аналитички дел од документацијата, кој е потребен за регистрациски досиеја на производите, кои пак се интегрален дел од меѓународно препознатливиот регистрациски формат еЦТД за регистрација на фармацевтски производи.