Во оваа група производи опфатени се хемикалиите за индустриска намена (производи за третман на патишта, адитиви за прехранбена индустрија, одмастувачи, соли за термичка обработка на метали, галвано-технички препарати), кои се одликуваат со долга традиција на производство и на квалитет, во согласност со барањата и со потребите на пазарот. Тие се користат во процесите на производство во индустриите. Производствената програма е создадена во согласност со интерни стандарди и со стандарди за квалитет на ACS (American Chemical Society), FCC, ASTM, ISO и на други и со остварена успешна деловно-техничка соработка со светски познатите и признати фирми, како: Merck, Johnson Mattey, Heineken и други. Производствената програма е во согласност со барањата на Закон за хемикалии, REACH, CLP и на GHS.