Заштита на животната околина

АЛКАЛОИД АД Скопје е корпоративно општествено одговорна компанија, која размислува глобално и која е посветена на општествените и на еколошките влијанија од нејзините активности врз луѓето и врз околината.

Преку нашето долгорочно размислување, фер и транспарентност, корпоративната одговорност, преку почитувањето на човековите права, заштитата на животната средина, циркуларната економија и преку долгорочната стратегија поставуваме и негуваме одржлива вредност при секој чекор на нашето работење.

Создавањето вредност за луѓето и за заедницата со цел живеење на подобар, полесен и на поздрав, исполнет живот е стратешка одржлива определба на АЛКАЛОИД АД Скопје.

Заштитата на животната средина е еден од најголемите приоритети во деловната стратегија на АЛКАЛОИД АД Скопје.

Компанијата континуирано ги следи и ги применува најновите достигнувања во оваа област, со што придонесува за поздрава и за почиста животна средина во која сите живееме.

Како општествено одговорна компанија, АЛКАЛОИД АД Скопје го интегрира системот за управување со животната средина во интегрираниот систем на управување (IMS), согласно стандардите ISO 14001:2015, ISO 9001:2015, ISO 45001:2018 и насоките на Добра производна пракса.

Една од нашите клучни вредности – Луѓето пред сѐ – ја градиме преку доверба, транспарентност и преку добра комуникација. Нашата вклученост во заедницата континуирано ја покажуваме преку секојдневното работење и преку многубројните проекти, затоа што силно веруваме дека наша одговорност е да ѝ враќаме на заедницата во која живееме и работиме!

АЛКАЛОИД АД Скопје постојано ги следи и контролира технолошките процеси со цел на обезбедување на заштита на животната средина преку намалување/спречување на влијанијата и зголемување на енергетската ефикасност.

 Континуирано ги идентификуваме, евалуираме и мониторираме аспектите во воздух, вода, бучава, создавање на отпад и потрошувачка на природни ресурси и енергенси. Процесите во АЛКАЛОИД АД Скопје согласно мерењата на аспектите врз животната средина се усогласени со законската регулатива, барањата на меѓународните стандарди и заинтересираните страни.

Ги следиме еколошките aспекти во воздух, т.е. емисиите на гасови, со цел да се минимизира ефектот на стаклена градина и емисиите на СО2. За таа цел, компанијата премина на користење на природен гас наместо мазут во производните процеси на производната локација во Автокоманда и Ѓорче Петров.

Со цел подобрување на квалитетот на отпадните води и одржување на нивото на пропишаните параметри, го променивме и континуирано го одржуваме системот за отпадна вода. Со редовно одржување на системите за опрашување и поставување на звучни бариери го следиме и минимизираме аспектот на бучава кон околината во која работиме.

Во прилог ги прикажуваме клучните елементи и подобрувањата на системот за управување со животната средина, набљудувањето на влијанијата и усогласеноста со законската регулатива и со другите барања и проекти за подобрување на перформансите на животната средина во текот на 2021 година.

Интегрирани еколошки дозволи

На 27.12.2021 г. е добиено решение за издавање А-интегрирана еколошка дозвола за АЛКАЛОИД АД Скопје, Профитен центар Фармација, локација Автокоманда, бул. „Александар Македонски“ бр. 12, 1000 Скопје.

На 30.12.2021 г. е добиено решение за издавање А-интегрирана еколошка дозвола за АЛКАЛОИД АД Скопје, Профитен центар Фармација, локација Ѓорче Петров, бул. „Партизански одреди“ бр. 98А, 1000 Скопје.

На 27 јануари е добиено решение за издавање А-интегрирана еколошка дозвола за АЛКАЛОИД АД Скопје, Профитен центар ХКБ – програма Хемија, локација Ѓорче Петров, бул. „Партизански одреди“ бр. 98А, 1000 Скопје.