Во периодот од 2013 до 2016, Алкалоид АД ја искористи можноста за кредитирање и финансирање на Енергетски ефикасни проекти и проекти од областа на обновливи извори на енергија, финансирани преку кредитна линија на WeBSEFF (Western Balkans Sustainable Energy Financing Facility) овозможена од страна на Европска банка за обнова и развоj  и Европската комисија за да се обезбедат кредити за компаниите од Западен Балкан (Македонија,  Босна и Херцеговина, Србија и Хрватска).  

Услов за да бидат прифатени за финансиска поддршка проектите беше да се остварува енергетска заштеда од најмалку 20%, намалување на емисија на стакленички гасови повеќе од 20% , како и да бидат во согласност со националните барања за животна средина, здравствените и безбедносни стандарди и соодветно да се обезбедат сите потребни дозволи.

Главни придобивки од проектите е заштеда на енергија, поврат на инвестицијата преку заштеда на енергија, унапредување на технолошките линии и опрема, како и градење на имиџ на општествено одговорна компанија која се грижи за заштита на животната средина. 

Во тој период се реализираа повеќе проекти на Алкалоид АД во Скопје, како и еден во Белград . Беа инсталирани сончеви колектори за загревање на санитарна топла вода, модернизација на системот за загревање во едукативниот центар во Дојран, воведување на топловоден нискотемпературен гасен котел за загревање на објект Контрола на квалитет Фармција, Магацин за суровини и амбалажа и придружни простории. Континуирано се вложува во енергетско ефикасни кровни и фасадни системи како и прозорци со низок коефициент на топлинопреносливост. Покрај набавката на нова енергетско ефикасна опрема, се посветува внимание и на автоматизација и оптимизација на сите системи кои што користат било каков тип на енергија. Во октомври 2015 година во Загреб, Алкалоид АД ја доби првата награда за успешно спроведен енергетски ефикасен проект. 

 Вкупната вредност на  средствата од кредитната линија на WeBSEFF што АЛКАЛОИД АД ги користеше, изнесуваа околу 1.500.000 ЕУР. 

1. Проект- Инсталирање на сончеви колектори (вредност: 60.000,00 ЕУР) 

Инсталирани се вкупно 60 сончеви колектори со 150м² колекторска површина на следните објекти: 

• Институт за истражување и развој Фармација, локалитетот Автокоманда, 

• Производство на цефалоспорини (ППСЦ),  локалитет Ѓорче Петров, 

• Едукативниот центар на Алкалоид АД во Дојран и 

• Објект Ресторант, локалитет Автокоманда. 

Целта на проектот е инсталирање на сончеви термални колектори за добивање на санитарна топла вода. 

2. Проект –Реконструкција со пренамена на дел од објект за Производство на козметика  во Магацини за готови производи –Козметика, локалитет Ѓорче Петров. (вредност 45.000,00 ЕУР) 

Целта на проектот е изведба на фасадни Екопанели тип WLC, со дебелина 100мм, со коефициентот на топлопропустливост кој изнесува 0,21K( W/m2K) на површина од 1831,46м². 

3. Проект- Инсталирање на топлинска пумпа со пропратна инсталација за греење и ладење во објект за Производство на козметика  ( вредност: 300.000,00 ЕУР) 

Инсталирањето на топлинската пумпа со греен фактор кој претставува однос на топлината што ја дава топлинската пумпа за греење/ладење и потрошената електрична енергија за оваа топлинска пумпа изнесува COP=4,68. Кондензаторскиот уред кој е паралено врзан на моторот му овозможува константа COSφ =0,95 и редукција на влезното напојување до 10%, што претставува дополнителна заштеда на електрична енергија. 

4. Проект-Замена на постоечки светилки со енергетски ефикасни  светилки (вредност: 95.000 ЕУР )

Со замената на постојните светилки со енергетски ефикасни светилки се постигна заштеда на електрична енергија, на  следните објекти: 

• Објект - Фабрика Козметика, дел Магацин за суровини и амбалажа Козметика, локалитет Ѓорче Петров, 

• Објект- Фабрика Козметика, Магацин за готов производ Козметика и Фармација, локалитет Ѓорче Петров,  

• Објект- Магацин за готови производи, локалитет Автокоманда и 

• Партерно осветлување, локалитет Автокоманда. 

Во објектите се инсталираат светилки со моќност од 4 x 50W или светилки со моќност од 2 x 80W, и двата типа на светилки се високоефикасни од класа-А, со флуоросцентни Т5 сијалици и заштита IP 65. 

5. Проект - Надворешна реконструкција на објект А1- Производство Фармација, производство на полуцврсти, течни и ампулни медицински форми, локалитет Автокоманда (вредност 200,000) ЕУР 

Целта на овој проект е обнова, санација и реконструкција на кровните и фасадните површини. Со реконструкцијата на објектот значително се подобри заштитата од атмосферски и топлотни  влијанија и се постигна енергетска заштеда.  

Со инвестицискиот проект беа изведени следните работи: 

• Реконструкција на кров со изведба на кос вентилиран кров, 

• Реконструкција на фасада со поставување на нова со термоизолација со д=10цм , 

• Замена на прозори со поставување на нови aлуминиумски прозори со термопан   стакла тип 4x12x4 мм, нискоемисиони четири сезонски. 

6. Проект - Реконструкција со пренамена на постоечки објект во „Контрола на квалитет Фармација“, на локалитет Автокоманда (вредност 500,000 ЕУР) 

Со реконструкција на објектот значително се подобри заштитата од атмосферски и топлотни  влијанија и се постигна енергетска заштеда. 

За реконструкција и пренамена на постоечкиот објект  се реализираа следните работи: 

• Замена на прозори со поставување на нови aлуминиумски прозори со термопан   стакла, тип 4x12x4 мм, нискоемисиони четири сезонски ,  

• Реконструкција на фасада со поставување на нова со термоизолација со д=10цм ,  

• Реконструкција на кров со изведба на кров со алуминиумски панели,  

• Замена на теретен лифт со нов лифт со носивост од 800kg, 

• Замена на термотехничка опрема и инсталации  

-  Замена на котел за мазутно гориво и парна инсталација со топловоден котел на гас и инсталација, за добивање на топла вода , 

- Замена на постоечки систем за климатизација (клима комори и калориферски единици) со централна разладна машина и електрична инсталација,  

• Инсталирање на 20 сончеви колектори,  

• Замена на постоечки светилки со енергетски ефикасни светилки и пропратна              опрема во објект Контрола на квалитет и Магацин за суровина и амбалажа. 

7. Проект- Замена на прозори во постоечки објект „Управна зграда“, локалитет Автокоманда (вредност 160.000 ЕУР) 

Со замената на сите прозорци и обработка на ѕидови околу отвори на прозорци на објектот значително се подобри заштитата од атмосферски и топлотни  влијанија и се постигна енергетска заштеда. За реконструкција на постоечкиот објект се изврши: 

• Замена на прозори со поставување на нови aлуминиумски прозори со термопан   стакла, термопан стакло 4x12x4 мм, нискоемисиони четири сезонски, 

• Обработка на ѕидови околу отвори на прозори, затворање на отвори  за ролетни, поставување на изолација на надворешни ѕидови, менување на алуминиумска таваница. 

8. Проект- Реконструкција на термотехничка инсталација во Фабриката на лекови, објект C, примарно пакување, во Алкалоид доо Белград ( вредност 136.000 ЕУР)  

Со овој проект се изврши замена на постоечки клима сиситем К1, со цел за контрола и регулација на на влагата во просториите за примарно пакување на лекови.